Terrorçı atamanınıñ plannarı bilgele buldı
YPG/PKKnıñ planı süriyälelärdän Törkiyägä qarşı doşman xäzerläw bula
Törkiyäneñ Adana töbägendä separatist terrorçı oyışma YPG/PKKnı tikşerü qısalarında qulğa alınğan häm soraw aluda bulğan süriyäle xatın-qız üzläreneñ atamannarı Murat Karayılannıñ DEAŞ belän xezmättäşlek itärgä kürsätmä birüen söyläde. Ber-bersenä doşman bulğan ike terrorçı oyışmasınıñ urtaq maqsatı bar - Törkiyä.
“YPG/PKK DEAŞ terrorçı oyışmasınıñ êçenä äğ’zaların cibärep terror aktları oyıştıraçaq. Alar DEAŞlı şikelle kürenäçäk. Ğamällären Törkiyägä qarşı başqarıp baş butayaçaqlar,”-dip söyläde qulğa alınğan xatın-qız. Ul üzeneñ 25nçe ğıynvar häm 16nçı mayda uzğan 2 cıyılışta qatnaşuın, berençesenä ataman Karayılannıñ da kilüen äytte.
Cıyılışlarda terrorçılıq aktları öçen, başlıça, oyışmanıñ Süriyä çığışlı äğ’zaları cibäreläçäge belderelgän. Çönki alar törek watandaşlarında süriyälelärgä qarata açu häm näfrät barlıqqa kiteräçäk. Näticädä ildäge qaçaqlarnı öylärenä quaçaqlar häm alar tup-turı terrorçı oyışmasınıñ qulına kilep keräçäk. YPG/PKKnıñ planı älege süriyälelärdän Törkiyägä qarşı doşman xäzerläw bula.
Terrorçı xatın söyläwençä, cıyılışlarda, monnan tış, yuğarı däräcäle türälär häm säyäsätçelärgä büläk şikelle paketlanğan şartlatqıç caylanmalar cibärep terrakt yasaw kürsätmäse birelgän. Ul oyışmanıñ böten qorallandıru êşen Amerika Quşma Ştatları başqaruın da belderde.
