“Somalinıñ Törkiyädän tağın da yaxşıraq dustı yuq”

Somali tışqı êşlär häm xalıqara xezmättäşlek ministrı Äxmäd Isse Awad Somalinıñ Törkiyädän tağın da yaxşıraq dustı bulmawın belderde.

 Ul Änkarağa täwge säfäre qısasında “Anadolu” agentlığına interv’yu birde.

Somali ministrı Törkiyä tışqı êşlär ministrı Mävlüt Çavuşoğlu belän ike yaqlı söyläşülärneñ uñışlı uzun belderep ,ike il arasındağı köçle mönäsäbätlärne tağın da nığıtu xaqında söyläşülären citkerde.

Awad Somaliğa asqorma, iminlek, personal, yuğarı belem aluda stipendiyälär häm başqa bik küp tarmaqta daimi räweştä yärdäm kürsätkän öçen törek xalqı häm ilbaşı Räcäp Tayyip Ärdoğanğa Somali ilbaşı häm prem’yer-ministrınıñ sälamnären alıp kilüen citkerde.

Törkiyäneñ Somali xalqı küñelendä üzençälekle urın alıp toruın beldergän Awad :”Törkiyä Somali öçen küp närsä êşläde. Somalinıñ Törkiyädän yaxşıraq dustı yuq. Somali xalqı monı bik yaxşı belä”,-dide.

Äxmäd Isse Awad Törkiyäneñ Somali belän Somalilend arasında aradaşçılıq başqaru tırışlıqlarına da tuqtalıp Somalilendnıñ Somalinıñ ber öleşe buluın belderde.

”Törkiyä Somali belän Somalilend arasındağı söyläşülärne ciñeläytüdä bezgä yärdäm itä. Anıñ tırışlıqları maqtawğa layıq” dide Somali ministrı.