Atatörekne böten dön'yada iskä aldılar

Törkiyä cömhüriyätenä nigez salğan ğazıy Mostafa Kämal Atatörekneñ ülemenä 81 yıl tulu uñayınnan çaralar başqa illärdä dä uzdı.

Anı Greśiyäneñ Soloniki şähärendä tuğan yortında tantana belän iskä aldılar. ber minut tınlıq häm “İstiklal’ marşı”nnan soñ zıyarätçelär öygä kerep çıqtı.  

Oluğ yulbaşçını Qazaxstanda söyü häm ixtiram belän iskä aldılar.  Törkiyäneñ Nur-Soltandağı ilçelegendä irtänge säğat’lärdä uzğan çarağa, çaqırıluçılardan tış, bik küp sanda törek watandaşı kilde. Ul Atatörekne iskä alıp ber minutlıq tın qalu belän başlandı. Annarı älege böyek şäxes turında video kürsätelde. Tantanadan soñ Nur-Soltandağı Atatörek häykälenä çäçäklär quydılar.

Oluğ’ yulbaşçını Malayziyä başqalası Kuala-Lumpurdağı Törkiyä ilçelegendä dä iskä aldılar. Çarada törek missiyäläreneñ wäkilläre häm qayber törek watandaşları qatnaştı. Alar irtänge säğat’ 9 tulıp 5 minutta ber minut tın qaldı häm milli gimnnı başqardı. Programma axırında Atatörekneñ tormışındağı borılış noqtaları turında söyläwçe video kürsätelde.

Qıtayda Törkiyäneñ Pekindağı ilçelegendä Atatörekne iskä alu köne uñayınnan tantana oyıştırıldı. Anda törek watandaşları qatnaştı. Çarada Atatörekneñ tormışı turında qısqa fil’m qaradılar.

Törkiyäneñ Paqıstan, İndoneziyä, Azärbaycan, Rusiyä, Germaniyä, Tön’yaq Makedoniyä, Bosniyä-Gerśegovina, Angliyä häm Üzbäkstandağı ilçeleklärendä oyıştırılğan çaralarda da ğazıy Atatörek xörmät belän iskä alındı.