Törkiyägä qarşı sankśiyälär beterelde

AQŞ ilbaşı Donal’d Tramp Törkiyägä yasalğan sankśiyälärneñ beterelüe öçen kürsätmä birde. Älege ilneñ finans ministrlığı isä 14nçe oktyabr’dä kertelgän tıyularnıñ räsmi räweştä ğamäldän çığarıluın belderde.

Donal’d Tramp başqala Vaşingtonda matbuğat cıyılışı oyıştırıp soñğı waqıyğalar xaqında söyläde. Ul Törkiyä ilbaşı Räcäp Tayyip Ärdoğan belän bik yaxşı mönäsäbätläre buluın äytte. “Ul ilen yaratuçı häm yaxşı ğamällär başqaruçı keşe. Tizdän oçraşu ütkärüebez mömkin,”-dide Tramp. Ul AQŞ finans ministrı Stiven Mnuçinğa Törkiyägä qarşı sankśiyälärneñ barısın da beterergä quşuın da äytte.

Törkiyä qorallı köçläre Süriyädä Färat yılğasınıñ könçığışında regionda tınıçlıq häm xozur buldıru öçen 9nçı oktyabr’dä “Solıx çişmäse” xäräkäten başladı. AQŞ idaräse şunnan soñ Törkiyägä ber seriyä sankśiyä qararı çığarğan ide.