Ärdoğan Rusiyägä säfär yasıy

Törkiyä ilbaşı Räcäp Tayyip Ärdoğan bügen Rusiyägä kitär aldınnan aêroportta jurnalistlarnıñ sorawlarına cawap birde. Ul “Solıx çişmäse” xäräkäten tuqtatıp toru waqıtınıñ bu kiç betüen xäterlätte.  

“Birelgän süzlär cirenä citkerelmäsä, xäräkät tağın da qararlı räweştä tuqtağan cirennän däwam itäçäk,”-dide ilbaşı.

Ärdoğan ber könlek êşlekle säfäre qısalarında Soçi şähärendä Putin belän oçraşaçağın belderde. Anda Törkiyä beläñ Rusiyä mönäsäbätlärennäñ tış, Süriyäne dä kertep regional’ wäzğıyät’ tä urtağa salıp söyläşenäçäk.

Törkiyä ilbaşı Rusiyädän Süriyä çigendä tözeläçäk iminlek koridorı mäs’äläsendä teläktäşlek kötülären dä äytep uzdı.

“AQŞ belän pänceşämbe könne tözelgän kileşü nigezendä, bügen töbäktäge barlıq terrorçılarnıñ çığarıluı öçen soñğı kön,”-dide Ärdoğan.  

Törkiyä ilbaşınnan Franśiyä däwlät başlığı Êmmanuêl’ Makronnıñ “Solıx çişmäse” xäräkätenä birelgän tänäfesne ozınaytu täq’dime turında soradılar.

“Miña mondıy täq’dim yasalmadı. Makron mondıy närsälärne PKK/PYD terrorçıları beläñ söyläşä. Östäwenä bezneñ bu mäs’älädäge äñgämädäşebez Franśiyä tügel,”-dip cawap birde Ärdoğan.