Terrorçılar Süriyädä çigenüne başladı

Törkiyä ilbaşı Räcäp Tayyip Ärdoğan YPG/PKK terrorçı oyışmasınıñ Süriyäneñ tön’yağınnan çigenä başlawın belderde. Bu xaqta ul İstanbulda comğa namazınnan soñ jurnalistlarğa söyläde.  

Ärdoğan kiçä Törkiyä belän AQŞ arasında ireşelgän “Solıx çişmäse” xäräkäten tuqtatıp toru turındağı kileşüne telgä aldı.

“Töbäktä yaqınça 9 könlek prośessnı ütkärdek. Annan aldağısı da bar. Telefon diplomatiyäse belän däwam itkän prośess buldı. AQŞ ilbaşı Donal’d Tramp, Rusiyä däwlät başlığı Vladimir Putin häm törle Awrupa däwlätläre belän uzdırğan oçraşularıbız bar. Kiçä isä intensiv söyläşülär uzdı,”-dip söyläde ul.

Ärdoğan AQŞ ilbaşı kiñäşçese Mayk Pens belän başta üzeneñ oçraşuın äytte.

“Delegaśiyälärara oçraşu näticäsendä bilgelängän 13 maddälek urtaq belderüne dön’ya cämäğat’çelegenä iğ’lan ittek. 120 säğat’lek prośess bara,”-dide ilbaşı. Ul 444 çaqrım ozınlıqtağı cirlekneñ älege waqıt êçendä buşatılırğa tiyeş buluın assızıqladı.

“ Törkiyäneñ citäkçelegendä häm bergä xäbärläşep êşläw qararına bardıq. Daimi êlemtädä bulaçaqbız. 120 säğat’ne uñışlı beterä alsa idek. Sişämbe könne möxtäräm Putin belän oçraşuım bulaçaq. Anıñ belän söyläşüne dä bu prośessnıñ öleşe bularaq küräm. Milli saqlanu ministrım belän dä söyläştem - alarnıñ çigenä başlawın söyläde. Bezneñ kileşüneñ üzençälege dä şul - andağı iminlek köçlärebez mäydannı taşlap kitmi. Milli saqlanu ministrınnan alğan xäbärgä qarağanda, bernindi bäreleş yuq. Yalğan mäğ’lümatnı iğ’tibarğa almıyq,”-dide ilbaşı Ärdoğan.