“Törkiyä yanawlarğa baş iyä torğan il tügel”

Törkiyä ilbaşı urınbasarı Fuat Oktay Törkiyäneñ yanawlarğa baş iyä torğan il bulmawın belderde.

Ul bu xaqta Änkarada Gazi universitetınıñ 2019-2020 uqu yılın açu tantanasınfa yasağan çığışında citkerde.

Oktay Süriyädä Färat yılğasınıñ könçığışında “YPG/PKK” separatist terror oyışmasına qarata kötelgän operaśiya xaqında  da belderü yasadı.

Ul Törkiyädän Färat qalqanı häm Afrin imin töbäklärenä 370 meñ sııyınuçınıñ üzixtiyarı bularaq kire qaytuın belderede.

Oktay:” Xäzer isä çirattağı maqsat - Färatnıñ könçığşında imin ışanıçlı töbäk buldıru. Törkiyä könyaq çiklärebezgä yanawçı terror oyışmalarına sabak biräçäk häm Törkiyädäge süriyäle sıyınuçılarnıñ üzixtiyari bularaq illärenä kire qaytuın täêmin itäçäk”,-dide.

Xalıqara cämağät’çelekkä konkret yullamalar yasawların beldergän Fuat Oktay:”Törkiyä yanawlar belän xäräkät itä torğan il tügel. Törkiyäneñ iminlege turında süz barğanda ,ilbaşı da basım yasağança, Törkiyä üz yulın üze bilgeli, üz çik buylarında terror koridorı häm terror däwläte buldıruğa röxsät birmäyäçäk”,-dide.