Törkiyä köräşkä xäzer
Süriyädä bulaçaq xäräkätkä “ülsäm-şähit, qalsam-ğazıy” anlayışı belän xäzerlänälär
Törkiyäneñ Süriyädä Färat yılğasınıñ könçığışına oyıştırılaçaq xäräkät öçen barlıq xäzerleklärneñ tögällänüen belderde.
Milli saqlanu ministrlığınıñ Twitter xisabında bolay dip yazılğan: “Regionda totrıqlılıq häm tınıçlıq täêmin itep süriyälelärneñ ışanıçlı tormışqa kire qaytuları öçen imin töbäk/solıx koridorı tözelüe kiräk”.
Yazmada Törek qorallı köçläreneñ Törkiyä çigendä terror koridorı barlıqqa kilüenä berqayçan da röxsät birmäyäçäge assızıqlana, xäräkät öçen barlıq xäzerleklärneñ tämamlanuı äytelä.
Milli saqlanu ministrlığınıñ başqa yazmasında isä bolay diyelä: “Törek qorallı köçläre watanıbıznıñ bötenlegenä, däwlätebezneñ yäşäyeşenä, 82 million watandaşıbıznıñ xozur häm iminlegenä qarşı yanaw/qurqınıç barlıqqa kiterüçe barlıq terrorçı oyışmalarına qarşı millätebezneñ yaratuı, ışanıçı häm doğasınnan alğan köç belän häm “ülsäm-şähit, qalsam-ğazıy” anlayışı belän köräşkä xäzer”.
