“Näfrät süzläre qullanu - İslam doşmanlığınıñ iñ kiñ taralğan ısulı”

Törkiyä ilbaşı Räcäp Tayyip Ärdoğan Amerika Quşma Ştatlarınıñ New-York qalasında Berläşkän Millätlär Oyışmasınıñ 74 nçe ğomum şura utırışlarında qatnaşa.

 Ul bu qısada Törkiyä häm Paqıstan räislegendä uzğan “Näfrät süzlärenä qarşı köräş” isemle çarada çığış yasadı.

İlbaşı Ärdoğan üz çığışında näfrät êçtälekle süzlärneñ sośial’ mediada könneñ här säğätendä säyäsätçelär bäyannarında ğadäti xälgä äwerelüen belderde. Ul mondıy süzlär qullanunıñ İslam doşmanlığınıñ iñ kiñ taralğan ısulı buluına iğ’tibarnı yünältte.  

Qızğanıç, ämma xäzerge waqıtta näfrät, kürä almawçılıq süzlärenä iñ küp möselmannar duçar buluın beldergän Ärdoğan, möselman xatın –qızlarnıñ barı tik başlarına yawlıq bäylägän öçen uramda, bazarda, êş urınnarında tınıçsız itelüenä basım yasadı.  

Ul:”Näfrät süzlären biredä tağın ber tapqır läğ’nätlim”,-dide.

Törkiyä ilbaşı Berläşkän Millätlär Oyışmasında näfrät süzläre belän bäyle mäğ’lümat bazası buldıru fikeren xuplawların belderde.

Tınıçlıq dine bulğan İslamnı terror belän bäyläp kürsätüneñ yala yağu häm äxlaqsızlıq buluın beldergän Ärdoğan monıñ belän kileşep bulmawın assızıqladı.

Ärdoğan:” Törkiyä İslam doşmanlığı, rasaçılıq, näfrät süzlärenä qarşı köräştä äydäp barunı däwam itteräçäk”,-dide.