AQŞqa ike atna waqıt birelä

Süriyäneñ tön’yağında imin töbäk mäs’äläsendä ike atna êçendä ber näticä çıqmasa, Törkiyä üz xäräkät planın ğamälgä aşıraçaq. Bu xaqta ilbaşı Räcäp Tayyip Ärdoğan belderde. Ul ber räsmi çarada çığış yasap, AQŞ belän imin töbäk mäs’äläsendäge kileşüläreneñ nindi êtapta buluın söyläde.

“İke atna êçendä monnan ber näticä çıqmasa, üz xäräkät plannarıbıznı tormışqa aşıra başlıybız. Kiläse aylardağı üzgäreşlär Süriyä krizisınıñ ciñel çişeläçäge yäisä tiränäyäçäge nisbätennän açıqlawçı bulaçaq. Färat yılğasınıñ könçığışında tınıçlıq täêmin itü belän biregä, imin töbäkneñ zurlığına qarap, äle haman Awrupa däwläte häm Törkiyädä yäşäwçe 2-3 million süriyälene küçerä alabız,”-dip söyläde Ärdoğan.      

Ul Awrupa däwlätlärennän İdlib häm Färatnıñ könçığışı mäs’äläsendä tağın da köçle teläktäşlek kötülären belderde. “Bez xäzer süz belän genä tuq bulmıybız,”-di Törkiyä ilbaşı.