Törkiyä Äfğanstannıñ qayğısın urtaqlaşa
Bügen anda saylaw mitingında bomba şartlattılar
![Törkiyä Äfğanstannıñ qayğısın urtaqlaşa](http://cdn.trt.net.tr/images/xlarge/rectangle/1f9f/d40e/865e/5d4fd19222b32.jpg?time=1718759369)
Törkiyä Äfğanstannıñ Çarikar şähärendä ilbaşı Äşräf Ganinıñ saylaw mitinğında bik küp keşeneñ ğomeren özgän bombalı höcümne ğayepläde. Tışqı êşlär ministrlığınnan yasalğan belderüdä ülgännärneñ ğailäläreneñ häm xökümätneñ qayğısın urtaqlaşalar.
Qayğınamädä mondıy yullar bar: “Äfğanstandağı demokratik prośessnı maqsat itep alğan terrorçılıq höcümen ğayeplibez, anda ğomere özelgännärgä Allahtan yarlıqaw, ilbaşı Gani, tulayım Äfğanstan xökümäte häm äfğan xalqınıñ qayğısın urtaqlaşabız, yaralanuçılarğa tizräk terelülären telibez. İlbaşı saylaw prośessınıñ tınıçlıq häm iminlek êçendä tormışqa aşırıluına ışanıp qalabız”.
İsegezgä töşeräbez, bügen Äfğanstan ilbaşı Ganinıñ saylaw mitingında oyıştırılğan “canlı bomba” höcümendä 24 keşeneñ ğomere özelde, 31e yaralandı.