Änkarada Törkiyä-Rusiyä-İran sammitı ütkärelä
"Törkiyä-Rusiyä-İran öç yaqlı sammitı” İlbaşı Räcäp Tayyip Ärdoğan räislegendä İran İlbaşı Hasan Ruhani häm Rusiyä Däwlät başlığı Vladimir Putin qatnaşuında düşämbe könne başqala Änkarada oyıştırıla
İlbaşı idaräse êlemtä departamentınnan Astana formatında bişençe öç yaqlı sammit cıyılışına qağılışlı yasalğan belderüdä "İdlib belän bergä Süriyädäge täräqqiyätlärneñ bäyälänelüe, Süriyädä bäreleşlärneñ beterelüe, sıyınuçılarnıñ üzixtıyarıy kire qaytuları öçen kiräkle şartlarnıñ täêmin itelüe belän daimi säyäsi çişeleş maqsatınnan çığıp yasalaçaq urtaq adımnarnıñ kiñäşläşelüeneñ maqsat itelüe äytelde.
İlbaşı Ärdoğan yuğarı däräcäle oçraşu aldınnan Çankaya utarında liderlar belän ayırım ayırım söyläşülär ütkärä.
İñ êlek İran İlbaşı Ruhani belän qara-qarşı küreşkän Ärdoğan soñınnan Rusiyä Däwlät başlığı Putin belän oçraştı.
Putin häm Ruhani dä ike yaqlı söyläşü ütkärde.
Üzara küreşep söyläşülärdän soñ "öç yaqlı sammit” başlanaçaq.
Ärdoğan, Putin häm Ruhani Süriyädäge soñğı täräqqiyätlärne qarap çığaçaq.