Törkiyä: “Rusiyä-Ukraina äsir almaşuınnan qanäğätbez”
Törkiyä Ukraina belän Rusiyä arasındağı äsir häm totqın belän almaşuın qanäğätlelek belän qarşıladı
1265506
Tışqı êşlär ministrlığı süzçese Hami Aqsoy ike il arasında şimbä könne başqarılğan äsir belän almaşu turındağı sorawğa birgän yazma cawabında taraflarnı konstruktiv totışları öçen qotladı.
Äsir almaşuın qanäğät bulıp qarşılawların belderüçe Aqsoy: "Törkiyä Ukrainanıñ cir bötenlegeneñ häm möstäqillegeneñ saqlanuı nigezendä töbägendä tınıçlıq häm totrıqlılıq urnaşuına qağılışlı böten tırışularnı yaqlarğa däwam itäçäk”, - dip äytte.
Awrupa Berlege häm NATO da Ukraina belän Rusiyä arasındağı äsir häm totqın almaşuın qanäğätlelek belän qarşılawların citkerde.
Rusiyä häm Ukraina arasında kiçä "35kä 35 formulası” belän tuplam 70 äsir häm totqın almaşılğan ide.
