Törkiyäneñ şifalı suları

Törkiyädäge barlıq şifaxanälärne häm andağı cir astı sularınıñ nindi çirlärdän arındıruın belü xäzer bik caylı. Monıñ öçen maxsus internet säxifäse buldırıldı. www.kaplica.saglik.gov.tr adresınnan kerep barlıq mäğ’lümatnı alırğa mömkin. Bu xaqta Törkiyä sälamätlek saqlaw ministrı Fäxretdin Koca belderde. Ul Törkiyä şifalı sularınıñ mediśina küzlegennän Awrupada häm böten dön’yada tanıluın assızıqladı. Sälamätlek turizmı nisbätennän dä östenlek birüçe termal’ şifaxanälärgä ixtiyac könnän-kön arta. Alarnı tabiğıy däwalaw ısulı bularaq häm zamança tormıştan yıraqlaşıp yal itü öçen faydalanalar.

Fäxretdin Koca beldergänçä, Törkiyädä 264 şifalı su, 8 talassoterapiyä, 8 läm belän däwalaw urını ministrlıq röxsäte belän xezmät kürsätä. Ob’yektlarnıñ kübese Änkara, Bursa häm Af’yon töbäklärendä.