Törkiyä Qızılayı 51 ildä qorban ite tarata

Törkiyä Qızılayı Qorban bäyräme uñayınnan 51 däwlättä it tarata. Bu xaqta oyışmanıñ ğomum räise urınbasarı Naci Yorulmaz belderde. Ul 4 million 500 meñ keşegä yärdäm itäçäklären söyli.

Yorulmaz qorban çalu êşläre belän xäzerge waqıtta Zanzibarda. Ul Törkiyä, Balkannar, Aziyä, Amerika, Yaqın Könçığış häm Afrikada 100 noqtada qorban çalu häm taratu êşe köyläwlären citkerde.

Bıyıl täwge tapqır Kot d’İvuar, Mozambik, Zimbabve, Komor utrawları, Ruanda, İndoneziya, Filippinnar, Kambodja, Gruziyä, Tatarstan, Greśiyä häm Surinamda qorban kiskännär.

Yorulmaz Törkiyä Qızılayınıñ 151 yıldır dön’yadağı moxtaclarğa yärdäm qulı suzuın xäterlätte. “Dön’yanın 4 tarafında tel, din häm rasağa ayırmıyça ixtiyacı bulğan keşelärgä qanat-teräk bulırğa tırışabız. Törkiyä Qızılayına ışanıç belderüçe qaderle xäyriyäçelärebezneñ ämanätlären taratabız,”-dide ul.