Tuqtatıp torumı, çığarumı?

İlbaşı idaräse saqlanu sänäğate räise İsmail Dämir Törkiyäneñ F-35 mäs’äläsendäge yöklämälären tulısınça cirenä citkerülären belderde. Ul AQŞnıñ ilne programmadan çığaru qararı xaqında matbuğat konferenśiyäsendä sorawlarğa cawap birde. Dämir anıñ ber taraflı tuqtatıp toru qararı buluın belderde.    

“Kileşüdä urın almağan qarar. Räsmi xälgä kilüen kötäbez. Tuqtatıp toru süze qullanıla, çığaru tügel. Çığarunıñ üzenä xas normaları bulırğa mömkin, ul xäzergä yuq,”-dide räsmi zat.

İsmail Dämir äytkänçä,  Törkiyäne F-35 programmasınnan çığarsalar, oçqıçlarnıñ härberseneñ bäyäse 7-8 million dollardan artıp kitäçäk.

Ul Törkiyäneñ al’ternativalarnı qarawnı däwam itäçägen häm milli xärbi oçqıç proyektınıñ da uñışlı baruın söyläde.