“Könçığış Urta diñgezdäge êşçänlek qanuni häm legal’”

Tışqı êşlär ministrlığınnan Könçığış Urta diñgezdäge zondaj êşçänlegenä qağılışlı bularaq yasalğan belderüdä: Törkiyä Könçığış Urta diñgezdä üz qitğa mäydanı xoquqların saqlağanı kebek Kipr grek yağınıñ Kipr törekläreneñ uglevodorod çığanaqları ölkäsendä kerem büleşelüe belän bergä qarar qabul itü mexanizmnarına kertelmägän häm xoquqların garantiya astına almağan oçraqta utraw tirä-yağında Kipr törek xalqınıñ xaq-xoquqların häm mänfäğät’lären saqlawnı da däwam itäçäk”, - dip äytelde.

Belderüdä bu qısada “Yawız” zondaj köymäse êşçänlegeneñ qanuni häm legal’ tayanıçın täşkil itüçe röxsätlärne birgän Tön'yaq Kipr Törek Cömhüriyäte organnarı tarafınnan yasalğan belderülärneñ dä tulısınça yaqlanıluı assızıqlandı.

Greśiya Tışqı êşlär ministrı Nikos Dendiasnıñ Törkiyäneñ Könçığış Urta diñgezdäge xalıqara xoquqqa yaraşlı bularaq alıp barğan êşçänlege belän bäyle açıqlawlarınıñ da qabul itelmäwenä basım yasalğan belderüdä: ““Awrupanıñ irkäläp bozılğan balası” iseme nigezdä Greşiyağa qarıy. Awrupanıñ yün’sez balası isä / xalıqara xoquqqa tiskäre räweştä Awrupa Berlege äğ’zase bulğan häm Greśiya belän bergä yıllar buyı Könçığış Urta diñgezne totrıqsızlıqqa êtärüçe Kön’yaq Kipr grek citäkçelege. Kön’yaq Kipr grek citäkçelegeneñ xalıqara xoquqqa tiskäre räweştä güyä utrawnıñ bötenesen wäkillek itep, Awrupa Berlege äğ’zase buluı - üzlärenä Kipr törekläreneñ legal’ xaq-xoquqların häm mänfäğät’lären basıp alu xoquqın birmäz”, - dip äytelde.

Şuşı añlayış belän Greśiya tışqı êşlär ministrlığı häm Awrupa Berlege räsmiläre tarafınnan yasalğan häm Törkiyäneñ şuşı êşçänlegen qanunsız bularaq bäyälägän açıqlawlarınıñ da kire qağıluına basım yasalğan belderüdä: "Bu räweşle Awrupa Berlegeneñ / Kipr mäs’äläseneñ çişeleşenä qağılışlı söyläşülär barışında tarafsız aradaşçı rolen üz östenä ala almayaçağı anıq räweştä mäğ’lüm buldı”, - dip citkerelde.