Ärdoğan Bosniya-Hersegovinağa kitä

İlbaşı idaräseneñ êlemtä başlığı professor doktor Fahrättin Altun “Twitter” aşa İlbaşı Ärdoğannıñ säfäre turında mäğ’lümat birde.

Törkiyäneñ Balkanda tınıçlıqqa, totrıqlılıqqa häm mullıqqa birgän ähämiyät qısalarında böten töbäk illären üz êçenä alğan ber regional’ xezmättäşlek platforması bulğan Kön’yaq-könçığış Awrupa xezmättäşlek barışına tözelgän könnän birle täêsirle räweştä öleş kertüen äytüçe Fahrättin Altun:

"Cıyılış qısalarında iq’tisad, säwdä, transport, asqorma häm kapital salu ölkäse belän bergä Balkanda xezmättäşlekneñ üsterelüenä qağılışlı adımnar qarap çığılaçaq. Xörmätle İlbaşıbıznıñ şuşı forsattan çığıp Bosniya-Hersegovina Däwlät başlığı şurası äğ’zaläre belän ber rättän yuğarı däräcäle oçraşuda qatnaşuçı qayber illärneñ liderları belän ike yaqlı söyläşülär ütkärüe kötelä.

Däwlät başlığıbıznıñ ayıruça Butmirdä urnaşqan Awrupa Berlegeneñ “Althea” xäräkäte törek wäkillegendä tınıçlıqnı saqlaw wazıyfaların başqaruçı xärbilärebez belän oçraşuı da küzdä totıla”, - dip äytte.