G20 liderlar sammitında liderlarnıñ xatınnarı nişli?

Törkiyä ilbaşı Räcäp Tayyip Ärdoğannıñ xatını Äminä xanım Yaponiyäneñ Osaka şähärendä uzuçı G20 liderlar sammitınıñ räsmi xäläl cefet programmasında qatnaştı.

Yaponiyäneñ “First Lady”sı Aki Abê citäkçelegendä tormışqa aşırılğan çarada Äminä Ärdoğannıñ tışında Argentina, Kanada, İspaniyä, Avstraliyä, Kön’yaq Koreya, Franśiyä, İndoneziya, Yaponiyä, Singapur, Çili däwlät başlıqlarınıñ häm qayber xalıqara oyışmalar citäkçeläreneñ xatınnarı qatnaştı. Alarnı Osaka Könçığış baqçasında tradiśion yapon çäy tantanası belän qarşı aldılar. Şunnan soñ Aki Abê xanımnarnı buada balıqlarğa cim birergä çaqırdı.

Liderlarnıñ xäläl cefetläre Kiotoda Tofuku-dzi xramın zıyarät itte. Alarnı buddist ruxani qarşıladı. Xramda xanımnar śuzumi barabanı tamaşasın qaradı.  

Ğıybadätxanädän soñ liderlarnıñ xatınnarı töşke aşqa kitte. Anda alar samimi äñgämä qordı.

Programmanıñ axırında barısı bergä fotoğa töşte.

Äminä Ärdoğan Twitter aşa räsmi xäläl cefetlär programması belän bäyle yazma urtaqlaştı häm fotoräsemnär urnaştırdı.