Ärdoğannı Yaponiyädä kimono belän qarşı aldılar
Törkiyä ilbaşı G20 liderlar sammitında qatnaşu öçen Osaka şähärenä kitte
![Ärdoğannı Yaponiyädä kimono belän qarşı aldılar](http://cdn.trt.net.tr/images/xlarge/rectangle/1018/e06d/5485/5d14659d2af9b.jpg?time=1718941660)
![erdogan japonya.jpg](http://cdn.trt.net.tr/images/xlarge/rectangle/69de/7a41/4fc5/5d1465a52e5a1.jpg?time=1718941660)
![erdogan japonya1.jpg](http://cdn.trt.net.tr/images/xlarge/rectangle/a52e/52a0/0a2b/5d1465a92654f.jpg?time=1718941660)
Törkiyä ilbaşı Räcäp Tayyip Ärdoğan G20 liderlar sammitında qatnaşu öçen Yaponiyäneñ Osaka şähärenä kitte. Anı aêroportta Yaponiyäneñ tışqı êşlär ministrı urınbasarı Kenji Yamada, Törkiyäneñ Tokiodağı ilçese Murat Märcan häm başqa räsmi zatlar qarşı aldı.
İlbaşı Ärdoğan häm xatını Äminä xanımnı tuqtalğan qunaqxanälärendä 2020nçe Olimpiyä uyınnarında Törkiyä öçen maxsus xäzerlängän tradiśion yapon kimonoları kötä ide.
28nçe-29nçı iyün’dä uzaçaq sammitta S-400 hawa häm raketa saqlanu sistemaları - könüzäk mäs’älälärneñ berse bulır dip kötelä.
Ärdoğan Yaponiyädä Rusiyä däwlät başlığı Vladimir Putin belän küzgä-küz oçraşaçaq. Şulay uq, AQŞ ilbaşı Donal’d Tramp belän dä küreşep söyläşüe kötelä.
Oçraşularda Süriyä häm başqa regional’ mäs’älälär külämle räweştä qaralaçaq.
Ärdoğan S-400lärne aluğa qarşı çıqqan berlektäşe Tramp belän problemalı noqtalarnı küzgä-küz söyläşäçäk.
Bäyläneşle xäbärlär
![Terrorçılıqqa qarşı köräş alıp barıla](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718941660)
Terrorçılıqqa qarşı köräş alıp barıla
Törkiyädä terrorçılıqqa qarşı köräş täwäkkällek belän däwam itä