S-400lärne tapşıru tizdän başlıy

Rusiyä sänäğat’ häm säwdä ministrı Denis Manturov Törkiyägä S-400lärne tapşırunıñ tizdän başlanacağın belderde.  İnterfaks xäbär agentlığına birgän interv’yusında ul bik küp çit illärneñ älege saqlanu sistemaları belän qızıqsınuın da äytte.

Qıtay tarafınnan satıp alınğan S-400lärne tapşıru küptän tügel başlanğan. Manturov beldergänçä, alar belän kileşü 2015nçe yılnıñ aprelendä imzalandı, ämma detal’lärne urtaqlaşmadılar. Tapşıru dokumentta bilgelängän waqıtta başqarıla.

Ministr Törkiyäneñ S-400ne alu prośessına AQŞ tarafınnan yasalğan basımğa qarata da fikeren belderde. “Törkiyä S-400lär alu mäs’äläsendä nıqlı häm buysınmas poziśiyädä tora,”-dide ul. Manturov äytkänçä, saqlanu sistemasın iltep tapşıru mäs’äläsendä barlıq qararlar birelgän. “S-400lärne Törkiyägä tapşırunıñ täwge êtabı tiz arada başlanaçaq. Törkiyä häm Rusiyä arasındağı xärbi-texnik mäydanda xezmättäşlek häm anı tormışqa aşıru uñay yünäleştä däwam itä,”-dip söyläde ministr.   

Törkiyä ilbaşı Räcäp Tayyip Ärdoğan da bügen AK partiyäneñ törkem cıyılışında S-400 hawa saqlanu sistemasınıñ kiläse ay başında tapşırıla başlayacağın belderde.   

Tışqı êşlär ministrı Mäwlet Çavuşoğlu kiçä: “Amerikadan nindi belderü kilsä dä kilsen - bez S-400ne aldıq,”-dide.