Ärdoğan: “S-400ne alaçaqbız, dip äytmim, aldıq”

Ärdoğan sistemanıñ Törkiyägä tapşırıluınıñ kiläse ayda başqarılaçağın äytte.

Rusiyädän S-400 raketa saqlanu sistemasınıñ alınuı belän bäyle bularaq amerikan citäkçelegennän yasalğan tänqitläwlärgä cawap birüçe İlbaşı: "Törkiyä S400 saqlanu sistemaların alaçaq dip äytmim, aldıq. Bez bu êşne beterdek        , - diyep, - "(S-400) yaraşlı bäyä buluı belän bergä urtaq  citeşterügä küçä alu süzen dä alıp kileşügä qul quydıq”, - dip assızıqladı.

Könçığış Urta diñgezdäge täräqqiyätlär belän bäyle bularaq isä Ärdoğan: "Törkiyäneñ häm Kipr törekläreneñ xaq-xoquqın, mänfäğät’lären iğ’tibarğa almawçı hiçber adımnıñ yasaluına röxsät birmäyäçäkbez. Bu mäs’älädä böten variantlar östälebezdä bulırğa däwam itäçäk”, - dip äytte.

İlbaşı Ärdoğan Süriyädä urnaşqan terrorçılar belän bäyle bularaq ta: "Çiklärebezdä buldırılırğa tırışılğan terror koridorın Cärablus-Afrin sızığında, Tön’yaq Ğiraq mäydanında niçek itep yuqqa çığarğan bulsaq, Färat yılğasınıñ könçığışında da şuşındıy uq räweşle tar-mar itäçäkbez”, - dip belderde.