Çavuşoğlu Gvatemalada

Törkiyäneň tışqı êşlär ministrı Mäwlüt Çavuşoğlu räsmi säfär belän kitkän Gvatemalada däwlät başlığı Djimmi Morales tarafınnan qabul itelde.

Törkiyä-Urta Amerika İntegraŝiya oyışmasınıň Tışqı êşlär ministrları III säyäsi forumında qatnaşır öçen Gvatemalağa kitkän Çavuşoğlu däwlät başlığı Morales belän küreşep söyläşte.

Başqala Gvatemaladağı Milli mädäniyät sarayında uzğan söyläşüdä Gvatemala tışqı êşlär ministrı Sandra Djovel häm Törkiyäneň Gvatemaladağı ilçese Söläyman Gökçe dä qatnaştı.

Çavuşoğlu soňınnan Törkiyäneň Gvatemaladağı ilçelegeneň yaňa binasın açtı.

Törek ministrı açılışta yasağan çığışında Törkiyä häm Gvatemala arasında ozaq waqıt buyı ike yaqlı mönäsäbätlärneň buluın belderep: “Açılğan ilçelek illärebez arasındağı mönäsäbätne tağın da nığıtaçaq,” – dide.

Çavuşoğlu: “Gvatemala – Törkiyäneň Latin Amerikadağı iň möhim strategik partnyerlarınnan berse. İke il arasındağı mönäsäbät üsä bara. Säwdä häm mädäniyät kebek här ölkädä mönäsäbätlärebez nığıy. Ozaqlamıy Urugvayda da ilçelek açaçaqbız,” – dide.