Törkiyägä Süriyädän yaña migraśiyä dulqını

Süriyäneñ êçendä artqan kiyerenkelek häm bäreleşlär arqasında Törkiyägä yaña migraśiyä dulqını bärmäsen öçen êşçänlek däwam itä. Törek Qızılayı ğomum räise Käräm Kınık beldergänçä, Ramazan ayı belän başlanğan Süriyägä yärdäm kampaniyäse dön’yanıñ 38 ilendä alıp barıla. Ul xäyriyäçelärdän yärdäm cıyuların häm moxtaclarğa qul suzuların söyläde.

Kınık Ramazan ayı aldınnan Süriyäneñ İdlib töbägenä höcümnär buluın xäterlättte. Näticädä, ildä citdi migraśiyä xäräkäte başlanğan. Törkiyä çiklärenä 150 meñ tiräse keşe kilgän. “Alar öçen lager’ mäydannarı oyıştıru, bulğannarınıñ sıydırışlılığın arttıru häm bu keşelärgä ramazan ayı buyınça azıq-tölek belän yärdäm itü öçen berdäm êş başqarabız,”-dide Kınık.

Anıñ äytüençä, Törek Qızılayı Süriyä territoriyäsendä 2011nçe yıldan birle 100 meñ çatır qorğan häm 42 meñ yök maşinası kiräk-yaraq kitergän. Xäzer yärdämnärne arttırıp ildäge migraiśiyä xäräkäteneñ Törkiyägä çağıluına çik quyarğa omtılalar.