S-400lär F-35lärgä kirtä tügel

Tışqı êşlär ministrı Mäwlet Çavuşoğlu Törkiyäneñ Rusiyädän alaçaq S-400lärneñ NATO sistemaların doşman bularaq kürmäyäçägen söyläde. Räsmi zat jurnalistlarnın könüzäk mäs’älälär xaqındağı sorawlarına cawap birde.

Anda S-400lär nisbätennän urtaq formula tabu turında süzlär dä buldı. Çavuşoğlu äytüençä, sistema, Rusiyä qarşı kilmäsä, öçençe däwlätkä dä satılırğa mömkin. Ul S-400lärneñ F-35 xärbi oçqıçlarınıñ sistemasına kerä aluı turındağı farazlarğa qarşı bolay dide: “Ägär bu döres bulsa, inde xäzer ük Süriyädä, Norvegiyä çigendä S-400 bar. Norvegiyä F-35läre anıñ östennän oça. Süriyädä İzrailneñ, AQŞnıñ F-35läre oçtı. Bez başınnan birle ber mäs’älägä ähämiyät birdek - NATO sistemaların doşman bularaq kürmäyäçäk. Bu bezneñ saqlanu öçen alına torğan sistema häm monda kontrol’ tulısınça bezdä bulaçaq. Şik-şöbhäläre bulsa, belgeçlärdän komissiyä tözelsen”.