İlbaşı uquçı balalarnı qabul itte

Törkiyä ilbaşı Räcäp Tayyip Ärdoğan 23 nçe aprel’ çaraları qısasında ilbaşı idaräse kölliyäsendä mäğarif ministrı Zıya Sälçuk häm uquçı balalarnı qabul itte.

Ul balalarnı 23 nçe aprel’-milli möstäqill’lek häm balalar bäyräme belän qotladı ,annan soñ üz urının simvolik räweştä 6 nçı sıynıf uquçısı Ozan Sözeyataroğluna tapşırdı.

Ärdoğan:”Mostafa Kämal Atatörek berençe çiratta bulu belän bergä däwlätebezne qoruda häm bügenge könnärgä kiterep citkerüdä üzennän öleş kertkän härkemgä räxmätläremne citkeräm. Ğazıylarıbızğa sälamätlek häm ozın ğomer telim”,-dide.

Ul uquçılarnıñ Törkiyäne tağın da alğa kitüenä öleş kertäçäklären belderep, “Ömetläregez sünmäsen, xıyallarığıznı tormışqa aşıru öçen barlıq kirtälärne uzıp alğa barığız. Şunı onıtmağız,sez – 2200 yıllıq tarixi şanlı ciñülär yawlağan millätneñ balaları. Tağın ber tapqır 23 nçe aprel’-milli möstäqil’lek häm balalar bäyrämegez qotlı bulsın”dide.