"Törkiyäneñ S-400lärne aluı yalğış adım"

Amerika Quşma Ştatları däwlät särqatibe Mayk Pompeo S-400 sisteması aktiv bulğan hawa kiñlegenä F-35 xärbi oçqıçınıñ kerüe mömkin bulmawın belderde. Ul AQŞ senatınıñ tışqı mönäsäbätlär komitetı utırışında Törkiyä häm Rusiyädän alınuçı hawa saqlanu sisteması turında mäğ’lümat birde. Pompeo fikerençä, Törkiyäneñ S-400lärne aluı yalğış adım. Bu xaqta ul törek xezmättäşlärenä küp tapqırlar söyläwen telgä aldı.

AQŞ däwlät särqatibe texnik yaqtan S-400lär belän F-35lärneñ ber ük urında buluınıñ mömkin tügellegen assızıqlıy. Ul Törkiyägä S-400lär urınına Patriot saqlanu sistemaların täq’dim itülären söyli. “Bu täq’dim äle xaman östäldä, anıñ detal’lären êşlibez. F-35lärneñ ähämiyätle öleşen yasawçı töreklärgä äyttek - alar barı tik satıp aluçı tügel, F-35lärne çığaru çılbırının ber kiseme. Ägär S-400lärne alsalar - bu wäzğıyät’ üzgäräçägen açıq räweştä citkerdek,”-dide Mayk Pompeo.  

Pompeo, monnan tış, Törkiyä Rusiyädän S-400lärne alsa, qayber sankśiyälärgä duçar bulu ixtimalın da kisätte.