S-400neñ öleşläre Törkiyädä yasala ala

Rusiyä S-400 raketa saqlanu sistemalarınıñ qayber öleşläreneñ Törkiyädä yasalırğa mömkin buluın belderde. Däwlät başlığı Vladimir Putin düşämbe könne ilbaşı Räcäp Tayyip Ärdoğan belän urtaq matbuğat cıyılışında xärbi häm texnik tarmaqta xezmättäşlek öçen mömkinleklär buluın häm ike ilneñ yuğarı texnologiyäle xärbi texnikanı bergäläp çığara aluın beldergän ide.

Kreml’ süzçese Dmitriy Peskov mäs’älägä bäyle belderü yasadı. “S-400neñ barlıq öleşlären bergäläp yasaw turında äytmibez häm bu mömkin tügel. Bu yaña qoral töre. Ämma qayber öleşläreneñ detal’ nigezendä çığarıluı, älbättä, mömkin.”-dide ul.