Antaliyädä NATO cıyılışı uza

NATO parlament assambleyasınıñ 99nçı Rouz-Rot seminarı häm Urta diñgez- Yaqın Könçığış maxsus törkeme urtaq cıyılışı turizm başqalası Antaliyädä uzaçaq. Döresräge, anıñ zinnätle qunaqxanäläre belän tanılğan Bäläk rayonında.

Cıyılışta törek häm çit il xalıq ışanıçlıları, türälär, xärbi wäkillär häm missiyä şefları qatnaşa. Çara irtägä başlanaçaq häm 3 kön däwam itäçäk.   

NATO äğ’zası däwlätlärneñ parlament däräcäsendä mönäsäbätlären üsterü nisbätennän mondıy cıyılışlarnıñ ähämiyätle buluı äytelä. Anda iminlek, ênergetika, tışqı säyäsät mäs’äläläre, Äfğanstan, Süriyä, Liviyä, Saxara astı Afrika, Yämän häm Farsı qultığı däwlätlärendäge wäzğıyät’, NATO xezmättäşlege häm Rusiyä belän Törkiyäneñ Yaqın Könçığış strategiyäse temaları kütäreläçäk.

Cıyılışta törle illärdän 150 xalıq ışanıçlısı qatnaşa.