Ärdoğan Rusiyӓ Federaśiyasenӓ baraçaq

Törkiyä ilbaşı Räcäp Tayyip Ärdoğan Törkiyӓ-Rusiyӓ Yuğarı dӓracӓle xezmӓttӓşlek şurasınıñ 8nçe cıyılışın ütkӓrü öçen 8 aprel’ könne Rusiyӓ Federaśiyasenӓ baraçaq.

İlbaşı idarӓsennӓn yasalğan açıqlawğa kürӓ Ӓrdoğan belӓn Rusiyӓ dӓwlӓt başlığı Vladimir Putin citӓkçelegendӓ oyıştırılaçaq Yuğarı dӓrӓcӓle xezmӓttӓşlek şurasınıñ 8nçe cıyılışında bӓylӓneşle ministrlar hӓm rӓsmi zatlar da qatnaşaçaq.  

Törkiyӓ-Rusiyӓ ike yaqlı mönӓsӓbӓtlӓre bar yaqlap hӓm kiñ qırlı rӓweştӓ qaralaçaq cıyılışta Süriyӓ belӓn ber rӓttӓn regional’ hӓm xalıqara mӓs’ӓlӓlӓr xaqında fiker alışu küzdӓ totıla. Bu uñaydan ayıruça törle kileşülӓrneñ imzalanuı da planlana.

Şura cıyılışı qısalarında Törkiyӓ ilbaşı hӓm Putin törek hӓm rus êşmӓkӓrlӓre belӓn dӓ küreşӓçӓk.

Şul arada Mӓskӓwdӓge Bol’şoy Teatr binasında Ӓnkara Dӓwlӓt Opera hӓm baletı tarafınnan quyılaçaq Troya operası belӓn Törkiyӓ hӓm Rusiyӓ Federaśiyasendӓ ike yaqlı bularaq iğlan itelgӓn Mӓdӓniyӓt hӓm turizm yılı 2019nıñ açılışı yasalaçaq.