Yaponiyä Törkiyädän êşçe alaçaq

Yaponiyä Törkiyäne “êşçe köçläre qabul itelmi torğan däwlätlär” isemlegennän çığardı. Änkara bu xäbärne zur qanäğat’lek belän qarşıladı.  Tışqı êşlär ministrlığınnan yasalğan yazmaça belderüdä bolay diyelä: “Yaponiyädä 2019nçı yılnıñ 1nçe aprelendä ğamälgä kergän çit il keşelärenä ildä yäşäw xoquqı birüne tärtipkä saluçı yaña qanun qısalarında êşçeläre qabul itelmäyäçäk däwlätlär isemlegennän Törkiyäneñ çığarıluına söyenäbez. Bu adımnıñ Yaponiyä belän bezneñ aradağı tarixi häm tirän tamırlı bäyläneşlärneñ ruxına turı kilüen uylıybız”.

Yaponiyä idaräseneñ ğıynvarda çığarğan qanun proyektında êşçeläre ilgä alınmayaçaq däwlätlär isemlegendä Törkiyä dä bar ide. Tışqı êşlär ministrlığı süzçese Xami Aksoy ul waqıtta yaqınça 350 meñ çit il êşçese alırğa cıyınuçı däwlätneñ mondıy adım yasawın “ömet özelügä kiterüçe” dip bäyäläde.