Ärdoğannıñ Golan qalqulıqları turındağı xäbärgä reakśiyäse

Amerika Quşma Ştatları däwlät başlığı Donal’d Trampnıñ basıp alınğan Golan qalqulıqları turındağı belderüe regionnı yaña krizisnıñ işegenä kiteräçäk. Bu xaqta Törkiyä ilbaşı Räcäp Tayyip Ärdoğan söyläde. Ul İstanbulda İslam xezmättäşlege oyışması tışqı êşlär ministrları cıyılışında çığış yasadı. Ärdoğan anda Golan qalqulıqlarınıñ İzrail tarafınnan qanunlaştırıluına riza bulmayaçaqların assızıqladı.

Tramp sośial’ çeltärdä “52 yıldan soñ AQŞqa İzrailneñ Golan qalqulıqlarındağı xakimiyäten tulısınça tanu waqıtı citte” dip yazdı.

İzrail Süriyäneñ älege cirlegen 1967nçe yılda basıp aldı.