Xulusi Akar Djeyms Djefrine qabul itte
Djefri Ӓnkarağa kiçӓ kiç belӓn kilgӓn ide
Törkiyӓneň Milli saqlanu ministrı Xulusi Akar başqala Ӓnkarağa kilgӓn Amerika Quşma Ştatlarınıň Süriyӓ maxsus wӓkile Djeyms Djefrine qabul itte.
Akar-Djefri söylӓşüendӓ Münbiç töbӓge hӓm Fӓrat yılğasınıň könçığışı belӓn Süriyӓdӓ soňğı tӓraqqıyӓt’lӓr qaraldı.
Söylӓşüdӓ ministr Akar tarafınnan Törkiyӓneň Münbiç sxemasınıň qısqa waqıtta tӓmamlanuına qarağan kötkӓne, Süriyӓneň cir bötenlegenӓ bulğan sizgerlek, Fӓrat yılğasınıň könçığışında barlıqqa kiterelӓçӓk imin töbӓktӓ PKK/YPG terrorçılarınıň bulmawı hӓm iminlekneň Törkiyӓ tarafınnan tӓêmin itelüeneň zarurlığı assızıqlandı.
Milli saqlanu ministrlığınnan söylӓşü belӓn bӓyle yasalğan açıqlawda tübӓndӓge yullar urın ala: “Törkiyӓ çiklӓre hӓm keşelӓrebez iminlegeneň bezneň öçen ӓsas buluı, Törkiyӓ körӓşeneň DEAŞlı hӓm PKK/YPGlı terrorçılarğa qarşı quyıluı, körd-ğarӓp qardӓşlӓrebez hӓm qalğan êtnik/dini törkemnӓr belӓn bernindi problemabıznıň bulmawı, ike ilneň bergӓ êşçӓnlek başqarıp, qıyınlıqlarnı çişӓ alacağına qarağan töşençӓlӓrebez citkerelde.”
Djefri Ӓnkarağa kiçӓ kiç belӓn kilgӓn ide.
