Xulusi Akar xärbi öyränülärdä

Törkiyä milli saqlanu ministrı Xulusi Akar Êgey, Urta häm Qara diñgezdä uzuçı xärbi öyränülärne küzätte. Ul künegülär barışın ğomumştab başlığı general Yaşar Gülär häm komandirlar belän oçqıçtan qaradı. Bu Könbatış iseme birelgän oçqıçnıñ Utra diñgezdäge öyränülärdä qatnaşuı ide. Biredä räsmi zatlar çara turında mäğ’lümat aldı.

Akar soñınnan radioêlemtä aşa “Zäñgär watan” xärbi öyränülärendä qatnaşuçılarğa möräcäğat’ itte. Ul künegülärneñ zur uñış belän däwam itüen belderde häm tırışlıqları öçen härkemgä räxmäten citkerde.

“Êgey, Urta häm Qara diñgezdä ilebezneñ, xalqıbıznıñ xoquq häm mänfäğat’lären saqlaw häm yaqlaw öçen êşçänlegebezne kimçeleksez cirenä citkeräbez,”-dide Xulusi Akar.

“Zäñgär watan” cömhüriyät tarixındağı iñ zur xärbi öyränülär. Anda 103 xärbi köymä qatnaşa. Künegülär 3 diñgezdä ber ük waqıtta ütä.