“Çik buyında terror koridorına röxsät yuq”
İlbaşı Burdurda yasağan çığışında Törkiyäneñ çik buyında terror koridorına küz yomıp qalmayaçağın belderde
Törkiyä ilbaşı Räcäp Tayyip Ärdoğan Burdur Cömhüriyät mäydanında xalıqqa möräcäğät’ itte.
Ul üz çığşında Süriyäneñ tön’yağında berençe çiratta Amerika Quşma Ştatları bulu belän bergä könbatışlı illär yärdäme belän “YPG/PKK” separatist terror oyışmasın qullanıp terror koridorı buldıru mäs’äläsenä tuqtalıp tübändägelärne citkerde:” Törkiyä çik buyında terror koridorına küz yomıp qalmayaçaq. AQŞ Ğıyraq aşa terrorçılarğa 22-23 meñ yök maşinası qoral birde. Bez satıp alırğa telägäç birmädelär. Bu nindi ittifaq? Münbiçneñ terror oyışmalarınnan arındırıluın kötäbez. Bez terror koridorına bügen ,yäisä irtägä,qayçan da bulsa köçle höcümnär oyıştıraçaqbız”.
İlbaşı Törek Qorallı Köçläre operaśiyäläre belän Süriyäneñ tön’yağında terrordan arındırılğan töbäklärgä süriyälelärneñ kire qaytularınıñ däwam itüenä dä basım yasadı.
Ul bügenge köngä qadär 310 meñ süriyäleneñ imin töbäklärgä kire qaytuın äytte.
Ärdoğan Törkiyäneñ xaqlı köräşenä xörmät häm yaqlaw kürsätü kiräklegen assızıqladı.
Üz çığışında Törkiyäneñ Rusiyädän S-400 sistemaları aluı mäs’äläsenä da tuqtalğan Törkiyä ilbaşı:” Amerika Quşma Ştatları räsmi zatları bezgä S-400 sistemaların almağız dilär. Bez nigä monnan waz kiçik? Greśiyädä yıllar buyı S-300 lär bar. Alarğa ber süz äytüçe yuq”,-dide.
