Ärdoğan Soçiğa bara

Törkiyä ilbaşı Räcäp Tayyip Ärdoğan Süriyä temalı 4nçe Öç yaqlı oçraşu cıyılışında qatnaşır öçen Rusiyäneň Soçi şähärenä baraçaq.

İlbaşı idaräseneň matbuğat üzägennän yasalğan açıqlawğa kürä Ärdoğan Soçida Rusiyä Federaŝiyase däwlät başlığı Vladimir Putin häm İran ilbaşı Xäsän Ruxani qatnaşında oyıştırılaçaq Süriyä temalı 4nçe Öç yaqlı oçraşuda qatnaşaçaq.

Oçraşuda Astana mäydanınıň Süriyä mäs’äläsenä daimi çişeleş tabuı öçen Süriyä cirlärendä häm säyäsi barışta quyılğan urtaq tırışlıqlar küzdän kiçereläçäk.

Ärdoğan oçraşu waqıtında xezmättäşläre belän ütkäräçäk ike yaqlı söyläşülärendä Rusiyä Federaŝiyase häm İran belän mönäsäbätlärneň, şulay uq regional’ mäs’älälärneň dä qaraluı küzdä totıla.