"Putin belän 14 nçe fevral’dä Soçida küreşäbez"

Törkiyä ilbaşı Räcäp Tayyip Ärdoğan Törkiyä  teleradiokompaniyäse TRT  tapşıruında qatnaştı häm kön tärtibe belän bäyle sorawlarğa cawap birde.

Ul Rusiya Federaśiyäse däwlät başlığı Vladimir Putin belän 14 nçe fevral’dä Soçida küreşäçäklären belderde.  

Ärdoğan Törkiyäneñ Tön’yaq Süriyä säyäsäteneñ Süriyäneñ cir bötenlege häm säyäsi berlegen nigez itep aluın

häm Süriyäneñ bülenüe yaqlı bulmawlarına basım yasadı.  

İlbaşı:”300 meñ tiräse süriyäle üz cirlärenä kire qayttı. Qalğan cirlär dä terror oyışmalarınnan arındırılğaç ul cirlärneñ xalqı da kire qaytaçaq”,-dide.

Ärdoğan Süriyägä 23 meñ yök maşinası qoral kilüen ,totqarlanğan barlıq qorallarnıñ AQŞnıqı buluın citkerde.  

Terror oyışmalarınıñ da qoral satuın beldergän ilbaşı Ärdoğan: “Finans çığanaqlarınnan berse bu. Andağı tınıç xalıq qulında da AQŞ qoralların kürergä mömkin”,-dide.

Amerika Quşma Ştatları ilbaşı Donal’d Trampnıñ Färat yılğası könçığışında “Bez çigenäbez” süze buluın xäterlätkän Ärdoğan “Bu mäs’äläne qısqa waqıtta xäl itärlär dip ışanabız. Çönki bez yanaw astında yäşärgä telämibez”,-dip belderde.