Törkiyä İzrailne ğayepläde

Törkiyä İzrailneñ Fälästindäge Äl Halil (Xevron) şähärendä urnaşqan küp taraflı küzätü oyışması “Xalıqara waqıtlıça qatnaşuçılar”nıñ êşçänlegen ber yaqlı bularaq tuqtatuına rizasızlıq belderde. Tışqı êşlär ministrlığınnan yasalğan belderüdä älege qarar köçle tänqıyt’ utına totıla. “Säyäsi üzençälekkä iyä bu qararnıñ kire alınuın taläp itäbez,”-diyelä anda.

Älege oyışma 1997nçe yıldan êşli başladı. Anda Törkiyädän dä küzätüçelär xezmät quya. Xalıqara küzätüçelär İzrail tarafınnan basıp alınğan Äl Halildä kiyerenkelekne kimetügä öleş kertä ide.

Törkiyä tışqı êşlär ministrlığınnan belderülärençä, qayçandır “Xalıqara waqıtlıça qatnaşuçılar”nıñ buluın kiräktergän şartlar äle xaman däwam itä. Räsmi dairä dön’ya cämäğat’çelegen İzrailgä cawaplılıqların cirenä citkerüe öçen basım yasarğa çaqırdı.