Törkiyä kolumbiyälelärneñ qayğısın urtaqlaştı

Törkiyä Kolumbiyäneñ başqalası Bogotada bulğan terrorçı höcümen ğayepläde. Tışqı êşlär ministrlığınnan yasalğan yazmaça belderüdä äytelgänçä, Bogotanıñ kön’yağındağı Santander poliśiyä akademiyäsendä 17nçe ğıynvarda bomba töyälğän maşina belän yasalğan höcümdä küp sanda iminlek xezmätkäreneñ ğomere özelde, yaralanuçılar da şaqtıy.

“Bu räximsez terrorçı höcümen ğayeplibez, ğomere özelüçelärneñ yaqınnarınıñ qayğısın urtaqlaşabız, yaralanuçılarğa şifa telibez,”-diyelä belderüdä.

Sonğı mäğ’lümatlarğa qarağanda, Bogotadağı general Santander poliśiyä mäktäbeneñ qarşında bomba quyılğan maşinanıñ şartlawı näticäsendä 21 keşe ülde, 68 keşe yaralandı.

İl prokuraturası höcümne Kolumbiyä watandaşı Xose Al’demar Roxas Rodriges yasawın häm monıñ öçen 80 kilogramm şartlatqız qullanuın açıqladı.