Avstraliyädä şöbhäle paketlar

Avstraliyäneñ Kanberra häm Mel’burn şähärlärendä qayber illärneñ ilçelek häm konsullıqlarına “asbest” dip yazılğan şöbhäle paketlar cibärelde. Arada Törkiyä wäkillege dä bar.

Avstraliyä federal’ poliśiyäsennän yasalğan belderügä qarağanda, Törkiyä, AQŞ, Greśiyä, Franśiyä, İtaliyä, Hindstan, Yaña Zelandiyä, Paqıstan, İspaniyä, Kön’yaq Koreya häm Şveyśariyäneñ diplomatik wäkilleklärenä cibärelgän şöbhäle paketlar iminlek köçläre tarafınnan tikşerügä alınğan. Alar bu ğamälneñ bilgele adreslarğa ğına cibärelüen häm cämäğat’çelek öçen yanaw tudırmawın äytä.  

Törkiyäneñ Kanberra ilçelegeneñ berençe kiñäşçese häm Mel’burn konsullığı wäkile Osman İlxan Şänär paketnıñ êçendä kisätü yazuı buluın da söyli. “Konvertta “Ürnäk. Açmağız. Bik xätär matdä. Bitlek kiyep yaqınayığız häm biyäläy qullanığız” dip yazılğan ide. Monnan tış, poliêtilen paket êçendä sädäf daruğa oxşağan matdälär quyılğan. Konvert êçenä turıdan-turı tügelgän bernärsä yuq ide,”-dide konsullıq wäkile. Şänär söylägänçä, xäzerge waqıtta borçılırlıq berni dä yuq. Kilgän paket poliśiyägä tapşırılğan. Alarnıñ qaydan häm kemnän kilüe älegä bilgele tügel.