AQŞ wäkilläreneñ oçraşuları

Törkiyä ilbaşı idaräse süzçese İbrahim Kalın häm başqala Änkarağa kilgän AQŞ milli iminlek kiñäşçese Djon Boltonnıñ oçraşuı tögällände. Ul jurnalistlar öçen yabıq işeklär artında bardı häm 2 säğat’tän artıq däwam itte.  

İbrahim Kalın citäkçelegendäge törek delegaśiyäsendä tışqı êşlär ministrı urınbasarı Sedat Önal, milli saqlanu ministrı urınbasarı Yunus Ämrä Karaosmanoğlu, milli küzläw oyışması citäkçese urınbasarı Cämaletdin Çälik bar ide.

Bolton citäkçelegendäge AQŞ delegaśiyäse isä Ğomumştab başlığı Djozef Danford, dön’yaküläm koalişiyä maxsus wäkile Djeyms Djeffri häm başqa wäqalätle zatlardan tora.

Ğomumştab başlığı Yaşar Gülär wazıyfadaşı Djozef Danford belän ayırım oçraşaçaq.  Milli saqlanu ministrı Xulusi Akar da Amerika delegaśiyäsen kabinetında qabul itäçäk.

AQŞ delegaśiyäse Törkiyägä Süriyädän çığu waqıtı häm älege prośessnıñ başqa neçkälekläre turında mäğ’lümat birä.  

Bu qısalarda Törkiyäneñ separatist terrorçı oyışması YPG/PKKğa birelgän qorallarnıñ kire alınuın kötüe häm AQŞ xärbiläre kitkän mäydannarnın kiläçäge xaqında da süz bulaçaq.

Oçraşularda, monnan tış, terrorçı oyışma DEAŞ belän köräş teması da kön üzägendä.