"Färat yılğası könçığışına operaŝiya başlana"

Törkiyä ilbaşı Ärdoğan Süriyädä Färat yılğası könçığışındağı terror urınnarına berniçä könnän soň operaŝiyaneň başlatılaçağın äytte.

İlbaşı Bäştäpä Millät kongressı häm mädäniyät üzägendä oyıştırılğan Törek saqlanu sänägäte oçraşuında qatnaştı.

Süriyädäge täraqqıyätlärgä tuqtalğan Ärdoğan: “Süriyäneň tön’yağı bezneň kön’yağıbız bula. Terror koridorın anda tözergä telilär. Bez: “Bolar terrorçılar,” – dibez. Bezneň strategik partnyerlarıbız AQŞ berençe çiratta: “Bolar terrorçı tügel,” - di. Alar PKK törkeme,” – dip belderde.

AQŞqa reakŝiya kürsätkän ilbaşı tübändägeçä däwam itte: “Sez ni öçen bezneň belän tügel dä alar belän bergä êş başqarasız? Münbiçtä haman da näticä ala almadıq. Xörmätle ilbaşı Tramp bolay di: “30 kön êçendä bolarnıň barısın da çistartaçaqbız.” Kürerbez. Çistartırlar dip ışanıp qalabız. Färat yılğasınıň könçığışına qarağan kisätülärebezne yasağanda äzerleklärne dä tämamladıq. Süriyädä monnan soň DEAŞ dip ataluçı qurqınıç yuq. Bu äkiyät kebek. Färat yılğasınıň könçığışın separatist terror oyışmasınnan qotqaruğa qarağan operaŝiyabezne berniçä köndä başlatırbız didek, şulay dibez dä.”