“Rusiya belän Ukrainanıñ tatu buluların telibez”

 Törkiyä ilbaşı Räcäp Tayyip Ärdoğan ğomum başlığı bulğan “Ğadälät häm qalqınu” partiyäseneñ Törkiyä Böyek Millät Mäclesendäge cıyılışında çığış yasadı häm kön tärtibendäge mäs’älälärgä bäyä birde.

Ul üz çığışında Rusiya belän Ukraina arasındağı kiyerenkelekkä tuqtaldı häm monıñ öçen borçıluların citkerde.

İlbaşı:”İke il belän dä yaxşı mönäsäbätlärebezneñ däwam itüen telibez. Qara diñgez iñ qısqa waqıtta tınıçlıq dñgezenä äwerelsen.Rusiya belän Ukrainanı problemaların dialog yulı belän çişärgä çaqırabız”,-dide.  

Ärdoğan Törkiyäneñ Rusiya belän Ukrainanıñ bergä häm tatu buluların teläwen citkerde.

25 nçe noyabr’dä Azov diñgezendä Rusiya su kiñleklärenä kerü däğ’wası belän Rusiya xärbi köymäläre Ukraina xärbi köymälärenä ut açqan ide.