Ӓrdoğan - Tramp söyläşüe

Törkiyӓ ilbaşı Ӓrdoğan belӓn Amerika Quşma Ştatları ilbaşı Donal’d Tramp telefonnan söylӓşte.

İlbaşı idarӓse çığanaqlarınnan alınğan mӓğlümatqa kürӓ söylӓşüdӓ ike yaqlı mӓs’ӓlӓr belӓn ber rӓttӓn Soğud Ğarӓbstanı jurnalistı Cӓmal Kaşıkçı cinayӓte, AQŞta dӓwam itüçe FETÖ tikşerülӓre, Süriyӓdӓ terrorçılıqqa qarşı körӓş êşçӓnleklӓre hӓm ike yaqlı iqtisadi mönӓsӓbӓtlӓr xaqında fiker alışıldı.

Ӓrdoğan Kaliforniyadağı urman yanğınnarında ülüçelӓr öçen Trampnıň qayğısın urtaqlaştı.

Cӓmal Kaşıkçı cinayӓteneň bar yaqlap yaqtırtıluı hӓm waqiğanı yomıp qaldıruğa röxsӓt birmӓwdӓ kileşkӓn ike lider barlıq terror oyışmaları belӓn körӓş mӓs’ӓlӓsendӓ Törkiyӓ Cömhüriyӓte hӓm AQŞnıň tağın da yaqın xezmӓttӓşlektӓ buluınıň ӓhӓmiyӓtenӓ basım yasadı.

İke lider Münbiç sxeması qısalarında urtaq küzӓtü êşçӓnleklӓreneň başlanuına şat buluların açıqlap, barışnıň qısqa waqıtta tögӓllӓnüen dӓ qaradı.

Ӓrdoğan AQŞnıň separatist PKK terror oyışmasınıň Süriyӓdӓge törkemenӓ yӓrdӓmnӓreneň beterelüe mӓs’ӓlӓsendӓge kötkӓnnӓren dӓ citkerde.