“Qaşıqçınıñ qatilläre Soğud Ğaräbstanınnan kilgän keşelär arasında”

Törkiyä ilbaşı Räcäp Tayyip Ärdoğan Parijğa kitär aldınnan Änkarada Äsanboğa hawa mäydanında belderülär yasadı.

Ul jurnalist Cämal Qaşıqçı cinayäte belän bäyle: “Cämal Qaşıqçı belän bäyle qulıbızda mäğ’lümatlar bar. Soğud Ğaräbstanınnan kilgän 15 keşe mäyetneñ qayda ikänen belä. Qaşıqçı belän bäyle bantlarnı (tasmalarnı) Soğud Ğaräbstanı,Amerika Quşma Ştatları häm Awrupağa tıñlattıq. Soğud Ğaräbstanı prokurorı mäs’äläne çişü öçen tügel, sıltawlar, säbäplär tabıp êşkä kirtälär quyu öçen kilde. Cämal Qaşıqçınıñ qatilläre Törkiyägä kilgän 15 yäisä 18 keşelek törkem êçendä. Başqa cirdän qatil’ êzlise yuq” dide.

Ärdoğan Törkiyäneñ yaxşı niyäte yanında Soğud Ğaräbstanınıñ da ğadel bulıp 18 keşene söyläşterüe häm waqıyğağa açıqlıq kertüe kiräklegen belderde.

 Törkiyä prokurorınıñ Soğud Ğaräbstanına çaqırıluı belän bäyle ,”Bezneñ prokurornı nigä anda çaqırasız? Cinayät’ monda êşlände?”dide.

Törkiyä ilbaşı Räcäp Tayyip Ärdoğan Parijda mömkinlek bulsa Amerika Quşma Ştatları ilbaşı Donal’d Tramp belän küreşäçägen dä citkerde.