Binali Yıldırım Argentinada

Törkiyä Böyek Millät Maclese räise Binali Yıldırım Argentinada oyıştırılğan G-20 parlamentlar forumında qatnaştı.  Ul Buênos-Ayrestağı Argentina milli kongressında ütä. Yıldırım “Üseşne finanslaw” dip ataluçı cıyılışnıñ töp çığış yasawçısı ide. “Bu oçraşudan global’ problemalarnıñ çişeleşe öçen möhim näticälär çığaçağına ömet itäm,”-dide ul. Binali Yıldırım G-20 äğ’zası illäreneñ bu êştä aldınğı rol’ uynıy aluın da äytte. Ul üz çığışında Törkiyäneñ süriyäle sıyınuçılar öçen 30 milliard dollardan artıq byudjet qullanuın äytep uzdı.  Yıldırım ilneñ “Keşene yäşät-dön’ya yäşäsen” fikere belän êşçänlek alıp baruın assızıqladı. “Süriyädäge qıyınlıqlar betsen - şul citär. Barlıq süriyälelär öçen däwamlı solıxnıñ, yaña yaqtı könneñ başlanuın telibez,”-dip söyläde ul.

Monnan tış, Törkiyä Böyek Millät Maclese räise Binali Yıldırım Kön’yaq Afrika töbäklär şurası citäkçese Txandi Modise belän oçraştı.