Yapon jurnalistı ilenä qaytıp kitte
3 yıldan artıq terrorçılar qulında qalğan Jumpey Yasudanı töreklär öyenä qaytarıp cibärde
3 yıl Süriyädä totıqlı bulğan yapon jurnalistı Jumpey Yasuda ilenä qaytıp kitte. Anı irekkä çıqqannan soñ 2 kön êlek Törkiyägä kiterdelär. Xataynıñ migraśiyä idaräsendä şaxes açıqlaw êşläre başqarıldı. Annan jurnalistnı İstanbulnıñ Atatörk aêroportına cibärdelär. Biredäge VİP zalda Yaponiya ilçelege wäkilläre belän oçış säğaten kötüce Jumpey İstanbuldağı êşlären tögälläp Änkarağa qaytuçı Sänäğat’ häm texnologiyä ministrı Mostafa Varank belän oçraştı. Räsmi zat yapon jurnalistınıñ xäl-äxwälen soraştı. Jumpey qotqarıluı öçen Törkiyä ilbaşı Räcäp Tayyip Ärdoğanğa häm törek xalqına räxmäten belderde. Soñınnan jurnalist Tokio oçqıçına utırıp watanına qaytıp kitte.
Yaponiyäneñ Änkara ilçese Akio Miyajima da Süriyädä terrorçılar qulında 3 yıl totıqlı qalğan Jumpey Yasudanıñ Törkiyä yärdämendä isän-saw öyenä qaytıp kitüenä söyenüen belderde.
44 yäş’lek Yasuda 2015nçe yılda Törkiyä arqılı Süriyägä kitkän häm Äl Kayda tarafınnan totıq itep alınğan. Terrorçılıq oyışması jurnalist öçen Yaponiyä xökümätennän 10 million dollar soradı, ämma qarşı taraf bu täq’dimne qabul itmäde.
Bäyläneşle xäbärlär
Hindstannıñ Änkara ilçese wafat
Yaman şeş awıruınnan däwalanğan ilçe Virander Paul üz ilendä mäñgelekkä küzlären yomdı
Ğıyraqtan şähit xäbäre
Ğıyraqnıñ tön’yağındağı “Pänçä-Kilit” operaśiyäse töbägendä ber ğaskäri şähit bulğan
