”Vengriyäneñ iminlege Törkiyä belän turıdan-turı bäyläneşle”
Bu xaqta Vengriya prem’yer-ministrı Viktor Orban belderde
Vengriya prem’yer-ministrı Viktor Orban ileneñ iminlegeneñ Törkiyä belän turıdan-turı bäyläneşle buluın belderde.
Ul bu xaqta räsmi säfär belän Vengriyägä kilgän Törkiyä ilbaşı Räcäp Tayyip Ärdoğan belän ütkärgän matbuğat oçraşuında citkerde.
Orban:”Vengriyäneñ iminlege Törkiyä belän turıdan-turı bäyläneşle. Törkiyädä totrıqlı xökümätneñ buluı – Vengriyäneñ iminlegeneñ garantiyası. Törkiyäneñ töbäktä tınıçlıq urnaştıraçaq totrıqlılıqqa iyä buluı bezneñ öçen bik möhim.
Orban Törkiyäneñ Awrupa belän tözegän migraśiya kileşüeneñ ähämiyätenä basım yasap “Millionnarça qaçaqnı sıyındırğan öçen Törkiyäne täbrik itärgä kiräk. Törkiyä Awrupa belän tözegän kileşü qıytğanıñ iminlege cähätennän zur ähämiyätkä iyä”dide.
Viktor Orban Törkiyä iq’tisadınıñ dönyadağı iñ zur iq’tisadlardan berse buluın belderep “Vengriya Törkiyäneñ dönyanıñ berençe 10 iq’tisadı arasına kerü maqsatına iğ’tibarsız qala almıy”dide.
