Ärdoğan amerikalı êşmäkärlärne qabul itü
“Amerika Quşma Ştatları belän bulğan strategik xezmättäşlegebezneñ, barlıq menü-töşülärgä qaramastan, kertemnär häm säwdä yärdämendä tağın da köçäyäçägenä ışanam"
İlbaşı Räcäp Tayyip Ärdoğan AQŞ şirkätläreneñ Törkiyädäge wäkillären qabul itte. Oçraşu 2 säğat’ 40 minut däwam itte. Ärdoğan mondıy cıyılışlarnıñ ber-berlären yaxşıraq añlarğa häm kiläçäkkä qaraşların yaqınnanraq öyränergä mömkinlek birüen belderde. “Amerika Quşma Ştatları belän bulğan strategik xezmättäşlegebezneñ, barlıq menü-töşülärgä qaramastan, kertemnär häm säwdä yärdämendä tağın da köçäyäçägenä ışanam,”-dide ul.
Ärdoğan xakimiyättä torğan yaqınça 16 yıl buyınça barlıq qızıqsınuçı yaqlar belän kiñäşläşügä zur ähämiyät birülärenä basım yasadı.
“İşeklärebez sezneñ öçen härwaqıt açıq. Sez Törkiyäneñ bu qadär totrıqsızlıq, bäreleşlär häm qıyınlıqlarğa qaramastan närsälär başqaruın bik yaxşı beläsez, xäzerge waqıtta qarşıbızğa çıqqan kirtälär dä ütmäslek tügel. Kürersez, Törkiyäneñ kiläçäge tağın da yaqtı häm açıq bulaçaq,”-dide Räcäp Tayyip Ärdoğan amerikalı şirkät wäkilläre belän oçraşuda.
