İdlibtä “utnı tuqtatu” planı däwam itäçäk

Milli saqlanu ministrı Xulusi Akar Süriyäneñ İdlib töbägendäge “utnı tuqtatu” planının hiçşiksez däwam itüen teläwlären belderde. Bu xaqta ul Äfğanstannıñ bäysezlegeneñ 99 yıllığı uñayınnan Änkarada oyıştırılğan qabul itüdä äytte. Akar andağı çığışında könüzäk mäs’älälärgä bäyle fikerlären citkerde.

İdlibtäge üzgäreşlärgä kilgändä, ministr Astana prośessı qısalarında qorılğan “utnı tuqtatu” tärtibe buluın xäterlätte. Ul bu tärtip bozılsa häm töbäkkä höcüm yasalsa ayıruça tınıç xalıqnıñ, balalar häm qartlarnıñ cäfalanaçağın assızıqlıy. “Cirdän, hawadan yasalğan barlıq höcümnärneñ tiz arada tuqtatılıp töbäktä tınıçlıqnıñ häm totrıqlılıqnıñ täêmin itelüe iñ möhim tırışlığıbız,”-di räsmi zat.  

Akar ğayepsez keşelärneñ ximik qına tügel, här tör qoral belän üterelüenä qarşı toruların assızıqlıy. Ul, şulay uq, barı tik bilgele ber terrorçı oyışmalar tügel, barısına qarşı bulularına da basım yasadı.